تا بە کەی نۆشو
از کتاب:
دیوانی بێسارانی
اثر:
بیسارانی (1643-1702)
1 دقیقه
925 مشاهده
تا بە کەی نۆشو ...
یا ڕەب جامی خەم، تا بە کەی نۆشو؟
تا کەی بە خەمین لۆنگی خەم پۆشو؟
تا کەی چوون کوورەی ئایر بجۆشو؟
تا کەی هەناسەم چوون سیا تەم بۆ؟
تا کەی کونجی دڵ خەزێنەی خەم بۆ؟
تا کەی کزەی دڵ بە ستێزە بۆ؟
تا کەی بەندی جەرگ، ڕێزە ڕێزە بۆ؟
تا کەی چەنی بەخت، بە دان بسازوو؟
تا کەی وە مەرگم ئاوات بوازوو؟
تا کەی بسۆچوون، نەبوون بە زوخاڵ؟
تا کەی بێدیان بکەروون بە ماڵ؟
ئینسافەن وەسەن، نیازمەندی دڵ
مازە وە حەسرەت، سەر بەروون وە گڵ