ئارۆ خەزانێ دوور جە پای نەمام
از کتاب:
دیوانی بێسارانی
اثر:
بیسارانی (1643-1702)
1 دقیقه
1204 مشاهده
ئارۆ خەزانێ دوور جە پای نەمام
زایف و زەبوون هیجران سەرئەنجام
ئەویچ بە جەستەم مەناڵا بە زار
بە جەفای هیجران مەکەردش ئیقرار
پەرسام هەی زەدەی گەردوونی بێ ڕام
زیندەیی سەر شووم، دوور جە پای نەمام
چ بەدبەختیتەن پێسە پێت ئامان؟
مەرنە خاوت دی دووریی نەمامان؟
واتش هەی بێ دەرد دەروون پڕ جە خار
سەرگەشتەی هیجران، زەدەی ڕۆزگار
یە هیجران کەردەن، جە دیدە کۆر بام
نە تەرز مەوینوون، نە باڵای نەمام