aro xezanê dûr ce pay nemam
Li pirtûka:
Dîwanî Bêsaranî
Berhema:
Bêsaranî (1643-1702)
1 Xulek
1524 Dîtin
aro xezanê dûr ce pay nemam
zayf û zebûn hîcran ser’encam
ewîç be cestem menała be zar
be cefay hîcran mekerdiş îqrar
persam hey zedey gerdûnî bê řam
zîndeyî ser şûm, dûr ce pay nemam
çi bedbextîten pêse pêt aman?
merne xawit dî dûrîy nemaman?
watiş hey bê derd derûn piř ce xar
sergeştey hîcran, zedey řozgar
ye hîcran kerden, ce dîde kor bam
ne terz mewînûn, ne bałay nemam