وژینبوکس > حاجی قادر کویی > دیوانی حاجی قادری کۆیی > و > بووکی دنیا وەک دەڵێن وا بێحەیا و بێفەڕ نەبوو

بووکی دنیا وەک دەڵێن وا بێحەیا و بێفەڕ نەبوو

از کتاب:
دیوانی حاجی قادری کۆیی
اثر:
حاجی قادر کویی (1816-1897)
 1 دقیقه  1241 مشاهده
زبان:
کردی مرکزی
قالب:
غزل
وزن:
فاعلاتن فاعلاتن فاعلاتن فاعلن–∪––/–∪––/–∪––/–∪–
رمل مثمن محذوف
گزارش اشتباه
فونت:
بووکی دنیا وەک دەڵێن وا بێحەیا و بێفەڕ نەبوو
هێندە دامەنهەڵکراو و حیز و ماڵانگەڕ نەبوو
ڕێی نیشانی ئێمە دا ئەو ڕۆژە ئادەم دەرکرا
بۆیەکی ئەم عالەمە بێ شۆڕش و بێ شەڕ نەبوو
سۆفی بەم ڕەنگە کە وا گۆشتی براکانی دەخوا
حیکمەتە ڕیشی وەکوو جاران درێژ و پڕ نەبوو
نیسبەتی ئێمە و ئورووپا قەترە و دەریا نییە
بۆچ ئولولعەزمێک بە عەزمی بیعسەتی پێی تەڕ نەبوو؟؟
کێ گەڕی پێ کردبووی تووشی بەڵای خۆتم بکەی
ئەو دەمە باسی عەزاب و دۆزەخ و کەوسەر نەبوو
ئەی مەهی دوو هەفتە تا شەمس و قەمەر تۆیان نەدی
دانەگیرسان ئەو میسالی ئاگر، ئەمیان گڕ نەبوو
بەم هەموو تەجریدە وا حاجیتخلص دڵی خۆشی نەدی
تا لە ئەتوار و قسەی ئەم دەورە کوێر و کەڕ نەبوو