بوتی باڵانەمام سەروی بەهەشتی تەلعەتە جافە

از کتاب:

هەوارگەی دڵان

اثر:

سید طاهر هاشمی (1915-1991)

1 دقیقه 902 مشاهده

زبان:

کردی مرکزی

قالب:

غزل

وزن:

فونت:

بوتی باڵانەمام سەروی بەهەشتی تەلعەتە، جافە

لەبی کەوسەر قەدی تووبا ڕوخی وەک جەننەتە، جافە

عەشیرەی نازی تیپارایە بۆ شۆڕ و شەڕ و غەوغا

لە ناوچەی گیان و دڵدا وا خەریکی غارەتە، جافە

ئەڵێن ئەو ئافەتی دین و دڵ و دانایی و عەقڵە

کەوا خاوەنشکۆ و بێباک و ساحیب شەوکەتە، جافە

بە شمشێری برۆ و دشنەی بژانگی جەرگی پەی کردم

دیارە ئەی ڕەفێقان دوور لە ڕەحم و شەفقەتە، جافە

وەکوو شەعرای یەمانی کاتی عیشوە سەرد و بێباکە

ئەڵێی پاییزە نازی پڕ لە لەرز و سەخڵەتە، جافە

نیگاهی دڵ دەبا و نەشئەی کەلامی ڕاحەتی گیانە

پەیامی میحنەتەنگێزە، وەڵامی ڕەحمەتە، جافە

تەریدەی ڕێی دڵە جەردەی قوماشی شادی و شەوقە

چەپاوی خێڵی گیان بۆ ئەو هەمیشە عادەتە، جافە

ڕەئیسی ماهڕوویان ئامیر و سەرعێلی خووبانە

ئەمیری موڵکی عیزز و ناز و سام و سەتوەتە، جافە

لە باسی حوسنی ئەو مەهڕوویە گێج و حەیرانە

بەڵێ شایانی سەد نەعت و سپاس و مەدحەتە، جافە

بەبێ شەمعی جەماڵت مەجلیسی پەروانە بێ نوورە تابەکەی بتلێم بە ئێشی دەردی بێ دەرمانەوە