ڕووم لە تۆیە گوێ ڕاگرە بۆت بەیان کەم ماجەرای دڵ
از کتاب:
دیوانی مەزڵووم
اثر:
مظلوم (1916-1955)
1 دقیقه
528 مشاهده
ڕووم لە تۆیە، گوێ ڕاگرە، بۆت بەیان کەم ماجەرای دڵ
هەرچی ئەڵێم عاجز مەبە، با داخی خۆم نەبەمە گڵ
ئاگرت تێچێ جیهان، ڕەببی گەردنت شکە بۆ کردەوەت
تۆی مەنبەعی فیسق و فیساد، تۆی ئالەتی زوڵم و قەتڵ
شاخی بەرزت دەبێ دەربێ بە دەم سزاو نەگبەتەوە
تەخت و بەبختت سەرنگون بێ، تا قیامەت ببی خەجەڵ
من بە هەدەر لۆمەت ئەکەم، بە بێ سودە تەعنە ئەدەم
هەرچی بکەی عەیب نییە، باکت نییە لە تەعنەی گەل
بێ ئوسوڵە ئیشو کارت، بێ مەتڵەبە گیر و دارت
بە کەر ئەدەی تەوقەی زێڕین، لە سەگ ئەکەی حیلەی غەزەل
وەکوو شەیتان تۆ لە ڕێگە دەرئەکەی منداڵی خەڵقی
نانی باوکی خۆی نەدیوە، دنیات دایە خەزنە لە گەل
وەکوو تاسی حەمام حەمام وایتە، وەفات بۆ کەس نییە تا سەر
تاڵبانت بە داغ ئەمرن مونکیرانت عەدوون بە دڵ
غەیری مەزڵوومتخلص هەموو عالەم بۆ وەسڵی تۆ خرۆشاوە
بە دەس سیحر و جادوی تۆوە بیریان چوەوە دەردی ئەجەل