دڵ پەرێشانە لە دووریت بە سێ دەرد ئەی دولبەرم
از کتاب:
دیوانی مەزڵووم
اثر:
مظلوم (1916-1955)
1 دقیقه
706 مشاهده
دڵ پەرێشانە لە دووریت بە سێ دەرد ئەی دولبەرم
یەک بە فیرقەت، دوو بە هیجران، سێ دوژمنی بێفەڕم
بۆ دڵی بیماری من هەر لە دونیا سێ بەڵایە
یەک بریندار، دوو نەخۆشی و سێ شەهیدی خەنجەرم
مانعی وەسڵی من و تۆن، سێ گرۆهی شەرمەزار
یەک ڕەقیب، دوو بەخیل و، سێ دوژمنی بێشەرم
مەرهەمی دەردی دڵم هەر لە دونیا سێ دەوایە
یەک تەبیب، دوو دەلیل و، سێ ویساڵی مەنزەرم
دەرد دڵم گەر دەپرسی لەت لەتی سێ شت بووە
یەک بە تەعنە، دوو بە لۆمە، سێ بە خەندەی مەحقەرم
ئاهی مەزڵوومتخلص گەر ئەپرسی بەم سێ وەسفە چارییە
یەک شەهادە، دوو شەفاعەت، سێ دیوانی مەحشەرم