بە ئەمری زاتی سوبحانە کە ئەمڕۆ جەژنی قوربانە
از کتاب:
دیوانی مەزڵووم
اثر:
مظلوم (1916-1955)
1 دقیقه
757 مشاهده
بە ئەمری زاتی سوبحانە کە ئەمڕۆ جەژنی قوربانە
هەموو عالەم موعەتتەر بوو بە بۆی ڕێحانی جانانە
سەراسەر خامەکی ئەخزەر کە پۆشی خواروو ژوورو سەر
حەزین بوو جیهان یەکسەر بە بۆی مشکینی خوبانە
وەکوو قەوس و قەزەح وایە کە سەوز و سووری لەبەر دایە
ئەڵێی جەنناتی دونیایە کوڕ و کچ حۆری و غیلمانە
بە گوڵزاری موعەتتەردا، بە ئەبرۆی مودەوەردا
بە ڕووخساری مونەوەردا ئەڵێی ماهی ئابانە
بە مەدحی بەرزی باڵای یار بە وەسفی جوانی کاڵای یار
بە سوخمەی ئاڵ و واڵای یار، هەزاری شێت و دێوانە
لە تاو چاوی عەیاری تۆ لە دەس زوڵفی ڕەشماری تۆ
لەبەر جەورو جەفای تۆ کە مەزڵوومتخلص مات و حەیرانە