کەسێ داری نەژادی قیمەتی وەک دوڕڕ و گەوهەر بێ
از کتاب:
دیوانی عارف عورفی
اثر:
عارف عرفی (1896-1961)
1 دقیقه
494 مشاهده
کەسێ داری نەژادی قیمەتی وەک دوڕڕ و گەوهەر بێ
نەوەی ئەو گەوهەرەش تێراوی ئاوی حەوزی کەوسەر بێ
نەوەک هەر جەژنی ئەمساڵی هەموو ساڵێ بە خۆشی بێ
لە مەولامە ئیتر مەولا لە مەولای یار و یاوەر بێ
کەسێ تەعریفی گوڵ کا گەر بە دڵسۆزی، مەکە شوبهە
دەماغی گەر لە سایەی ئەو گوڵستانە موعەتتەر بێ
بە زەردی تێمەگە زەردی ڕوخی سوورم کە ئەیبینی
لە ئیکسیری مەزەی تەعریفە وا سەرپۆشی ئەخزەر بێ
چ خۆشە داری نێژراوی بەدەس پیری بوخارا بێ
هەموو ساڵێ بەرێ بگرێ بەری یاقووتی ئەحمەر بێ
عەدووی ئەژداد و ئەحفادت لەلای من حەزرەتی - -متن نامشخص
بە کوێری دەستی لێ هەڵناگرم تاکوو کەڕ و کەر بێ
لە تەعریفی گوڵ و ڕێحان هوزارێکی وەکو و عورفیتخلص
عەجەب نابێ کە شێوەی تەبعی تامی شەهد و شەککەر بێ