لەمەو لاوە مەگەر باری قەزا بێ
از کتاب:
دیوانی عارف عورفی
اثر:
عارف عرفی (1896-1961)
1 دقیقه
501 مشاهده
لەمەو لاوە مەگەر باری قەزا بێ
دڵی من موبتەلای جەور و جەفا بێ
گوناهی چی بوو ئەی شۆخی ستەمکار
بە دەستی جەورەوە دڵ موبتەلا بێ
ئەگەر مردم گوناهی من بە ئەستۆت
حیسابی میحنەتم يوم الجزاعربی بێ
دەمێکە خۆم ئەپارێزم لە دڵبەر
بڵێم چی گەر بەڵایی لابەلا بێ
هەتا ماوم لە دونیادا لە حەققم
ئەگەر چاکی نەکا چاکی کەوا بێ
کە چووم چوونم نەهاتە تا قیامەت
مەگەر گەردم بەدەم بادی سەبا بێ
لە دونیادا نەبوو کەس لێم بپرسێ
مەگەر دادم لە دیوانی خودا بێ
لە ڕوویی مەرحەمەت ڕۆژێ ئەزانێ
لە حاڵی من ئەگەر ساحێب وەفا بێ
خەیاڵی شەوقی ڕووی مەستی نەکردم
دەخیلە ساقیا زوو کە شەرابێ
شەرابی ئاخری ڕۆژم بنۆشم
ئیتر با دەرد و میحنەت ئینتیها بێ