قوربانی ڕوخت بم کە شکستی بە قەمەر دا
از کتاب:
دیوانی تاهیر بەگی جاف
اثر:
طاهر بیگ جاف (1878-1918)
1 دقیقه
3651 مشاهده
قوربانی ڕوخت بم کە شکستی بە قەمەر دا
حەیرانی لەبت بم کە ڕەواجی بە شەکەر دا
هەر لەحزە ئەدەی وەعدەیی وەسڵ و نییە ئەسڵی
کارت وەکوو دونیایە هەر ئەمڕۆیە بە فەردا
مەقسوودی لەسەر کوشتنی عوششاقی زەعیفە
وەختێ کە دەکا خەنجەری تیژی بە کەمەردا
هەرچەندە دەکەم سەعی، لە بەر خوێنی سریشکم
خاکێ نییە بیکەم بە هەوەس گاهێ بە سەر دا
ناحەق نییە ناوەستێ ئەگەر پردی تەحەممول
سیروانی سریشکم کە ئەکا هاژە لە سەردا
دڵ ڕۆییوە قوربان لە وجوودم بە خەیاڵات
دایم لە سەفەردایە ئەگەرچی لە حەزەردا
مەیلت هەیە تاهیرتخلص کە بپرسی لە برینم
بڕوانە کە ئەو شۆخە چ تیری لە جگەر دا