قوربانی ڕوخت بم کە شکستی بە قەمەر دا
لە کتێبی:
دیوانی تاهیر بەگی جاف
بەرهەمی:
تاهیر بەگی جاف (1878-1918)
1 خولەک
3666 بینین
قوربانی ڕوخت بم کە شکستی بە قەمەر دا
حەیرانی لەبت بم کە ڕەواجی بە شەکەر دا
هەر لەحزە ئەدەی وەعدەیی وەسڵ و نییە ئەسڵی
کارت وەکوو دونیایە هەر ئەمڕۆیە بە فەردا
مەقسوودی لەسەر کوشتنی عوششاقی زەعیفە
وەختێ کە دەکا خەنجەری تیژی بە کەمەردا
هەرچەندە دەکەم سەعی، لە بەر خوێنی سریشکم
خاکێ نییە بیکەم بە هەوەس گاهێ بە سەر دا
ناحەق نییە ناوەستێ ئەگەر پردی تەحەممول
سیروانی سریشکم کە ئەکا هاژە لە سەردا
دڵ ڕۆییوە قوربان لە وجوودم بە خەیاڵات
دایم لە سەفەردایە ئەگەرچی لە حەزەردا
مەیلت هەیە تاهیرناسناوی ئەدەبی کە بپرسی لە برینم
بڕوانە کە ئەو شۆخە چ تیری لە جگەر دا