سوپاس و بەخێرهێنانی حاکم عەلائەددین، دادوەری دادگای کۆیە
از کتاب:
دیوانی ڕاجی
اثر:
راجی (1912-1969)
3 دقیقه
94 مشاهده
کە ڕۆژنامەی لەمێژ و، چەرخی دەووار
نیشانی دا نیشانەی نیشتمان کار
لە نیسانا، نیسانەی سەوز و سوور کرد
کە باراندی لە دەریا، دوڕڕی شەهوار
پڕۆتۆن، لیکترۆن، نووسان و گیرسان
پسا زنجیری بەدکاران، بەیەکجار
«عەلائەددینشخص»ە کاکم، حاکمی «کۆ»
گەیشتۆتە هەموو مەیدان و هاوار
لە دەریای کۆششا، گەوهەردەرێنە
بە قازانجی وەتەن، بۆتە کەسوکار
سەری بەرز و، دڵی پڕ بیر و، ڕوو خۆش
بەخوو شیرین و، خاوەن تەرز و گوفتار
«سلێمانی»ی نیشانداوم، سلێمان
مولازم ئەووەلی لەشکر، بە ملیار
لە بەگزادانی کوردە، کاکە «حامید»
ئەوە، جێگەی سوپاس و کەشفی ئەسڕار
مودیری «تەقتەق»ی مە، کاکە «ڕەمزی»
لە بەگزادانی جافە، مەردی سالار
ئەناسێ ڕێزی یاری و، هۆزی سەربەست
ئەترسێنێ سوپای هۆزێکی لاسار
سوپاسی «قادر ئەفەندی»، نووسەری چاک
دەکەم هەردەم، بەبێ پایان و میقدار
لە ئیجرائاتی حەق، بێ چەند و چوونە
گوڵی گەردنکەشی نیسان و ئادار
بە مامۆستا «حەمەد»، زانین درەوشا
ئەرستۆی دا بە ئەستۆ، مەردی جێدار
لە چەرخی فەلسەفەیدا، قوتب و میحوەر
لە عەردی هەندەسە، ئەو بۆتە پەڕگار
براکەم، «کاکە قادر»، ویش موعەللیم
گوڵی سەر تەپڵی سەرمە، مەردی هوشیار
قەدیمین پێکەوە، هەر بۆم بمێنێ
وەکوو ئەستێرە بدرەوشێ لە ئاقار
برای عارەب زمانم، کاک «نەجیب»ە
نفوسی خستە بەر مقیاسی ئەژمار
قۆمیسەر ناحییە، «سدیق ئەفەندی»
لەبیرم چوو، کە بینووسم هەوەڵ جار
ئەویش ڕۆحێکی کوردە، بێ فڕوفێڵ
لە تەحقیقاتی کۆشەر، هەروەکو مار
برای خۆم، دڵبەری خۆم، «کاکە ڕەش» بێ
پەسەند و، حوڕڕ و، گەنجێکی خەبەردار
ئیتر «کاک مستەفا»، وەسفی بەچی کەم؟
لە یاریدا، سەدای هەی هەی، دەلۆ سوار
لە ئەسلاکی، «سەعید ئاغا» ئەناسم
هەوای وەرگرتنی ئەخباری ئەقتار
بەخێرێن، تابیعە و گشتی لیوا، حەق
بە خزمەتکاری دەوڵەت، یەعنی جاندار
ئیتر «کوێخا حوسێن»ە، میری «گەرمۆک»
کە زۆرم خۆشدەوێ، ماقووڵ و موختار
لە«کارێز» دادەنیشێ، کاک «موحەممەد»
ئەساسەن کۆییە، ئەو مەردی سەرکار
لەسەر چاو و دڵ و گیانم، بکەن شەوق
بە چەنگ و نەی، کەمانچە و، بەڕبەت و تار
لە دیوانی «عەزیز ئاغای غەفوری»
مەلەک دێنە سەما وو بەزمی دیدار
لە پێکی بادەدا، دڵبەر ئەکێشێ
عکوسی ڕاست و چەپ، وەک زوڵفی عەییار
بەخێرێن، هەر لەسەر گیانم، بەخێرێن
گەلی ئەربابی مەعنا و، قەومی بێدار
بە چاوی ئێوە، کوردم سەربڵندە
بە ناوی ئێوەوە، من بوومە بەشدار
لەوەی خۆشی زیاتر، بۆچ بگونجێ؟
دڵە ساف و، جگەر نەیماوە ئازار
چ کۆمەڵ، کۆمەڵی بەزم و زەماوەن
چ کۆمەڵ، کۆمەڵی زانست و ئیقرار
ببوورن، گەر نقوستانە لە ڕووتان
کە ڕاجیتخلص، ناکەوێتە کێشی ئەسڕار