دینەمۆی دڵ کەوتە کار و جەرگە بۆتە پاتری

از کتاب:

دیوانی ڕاجی

اثر:

راجی (1912-1969)

1 دقیقه 176 مشاهده

زبان:

کردی مرکزی

قالب:

غزل

وزن:

فونت:

دینەمۆی دڵ کەوتە کار و جەرگە بۆتە پاتری

بۆ مەکینەی جیسمی ئێمەن، زوڵف و پەرچەم، وایەری

کۆیل و دیلکۆی هەناوم، بەم هەناسانەی پلاک

ڕۆییوە تەقسیمیی و هەردوو پلاتینی وەری

ئەم تڕونبێلی خەیاڵەم، لەم دەرە پەنچەر بووە

بەو هەموو خاڵ و خەت و ئالاتە، هەر تۆی فیتەری

گەر لە ڕێگای عیشقدا چا بێتەوە، پەیمان ئەکا

جگ لە تۆ، هەڵنەگرێ جند و ئادەمی و حوور و پەری

ئاهی تیژم هۆڕنی دەبڵە، لە ڕێم لادەن ڕەقیب

نەیمژێ تا خوێن و خوڕتان، کارەبای ئەسکەندەری

خانەیی بەنزین و ڕۆنی، هەردوو سووتان دوور لە ئاو

مەستی کرد ئەو سائیقەی چاوت، مەی و جادووگەری

شەفت و سپرینگی شکا، ڕینگی پسا، تایەی تەقی

وا لەبەر ئەم سوورەتاوی کوڵمە بوومە هەمشەری

بێ کلاج و بێ جەلە و بێ سلف و ئیستۆپ و گڵۆپ

کاری دڵ یەکدەم کرا، لەو سەیر و ڕاوە بووم بەری

کێ هەیە وەکوو تۆ، سوور و سووتابێ لە عیشق؟

هەر وەکوو ئیمڕۆ لەسەر خۆت کردە تاپۆ شایەری

وەتەن! بۆچی لەگەڵما، هێندە بێ ڕەحم و جەفاکاری؟ جاحێڵییەکەم لەم خەفەتە، گەیوە بە پیری