لە ناچاری لە چاوا ئاوە گردین

از کتاب:

دیوانی ڕاجی

اثر:

راجی (1912-1969)

1 دقیقه 85 مشاهده

زبان:

کردی مرکزی

قالب:

غزل

وزن:

فونت:

لە ناچاری لە چاوا ئاوە گردین

لە ژێر پێی عالەما مردین و پردین

کە دڵبەر هاتە کووچەی عیشقبازی

بە تاڵان ڕووح و ماڵ و دینی بردین

چ هاوارێکە وا کەوتۆتە سینەم؟

لەگەڵ بەختی ڕەشا، بێ دەستوبردین

بە دەم چەوگانی دوو زوڵفی سیاهی

لە مەیدانی مەشەققەت، گوایە گەردین

لە بیرت چوو نیگارا وەختی تیفلی

کە سەیر و ڕاوو ڕووتت پێ ئەکردین؟!

ئەتۆ مەهـ بووی و ئێمە هالە دائیم

کەچی ئیمڕۆ لە دەورا، وێڵی هەردین

مەڵێ ، گەلێ زار و نەزارین

ئەگەرچی پڕ عەبەس، لەم ڕێگە مردین

ئەی سەمەن بۆ، غونچەدەم، قامەت سنەوبەر، زوڵف چین ئەم دڵبەرە، چەند دڵبەرە، چەند دینبەرە، شیرین؟!