ئەی قەلەندەر بەسیەتی سا منجە منج و مرچەمرچ

از کتاب:

دیوانی ڕاجی

اثر:

راجی (1912-1969)

1 دقیقه 152 مشاهده

زبان:

کردی مرکزی

قالب:

غزل

وزن:

فونت:

ئەی قەلەندەر بەسیەتی سا منجە منج و مرچەمرچ

شاری بەغدا و پارسی گرت، لەشکری کاکۆڵ و پرچ

تا بە هیوا ڕانەگا، ئەم دڵ کوژاوەی دەربەدەر

هەر وەکوو داوی هەتیتە، خۆیەتی لاواز و چرچ

یار و ئامۆزا و برادەر، لێم کە بێزار و دژن

بۆیە ئەمنیش، هەرچی ئەیبینم پڵینگە و شێر و ورچ

هەر وەکوو جاران، بە یادی ڕوومەت و سینگ و بەرۆک

دڵ گڕی گرتۆتەوە، پڕ بوو هەناوم قرچە قرچ

وا بوغازەی سەر بەکوڵ هات و لە هەڵچوون ڕوو ئەکا

جۆشی پێ سەندۆتەوە چاوی خومارت زرچەزرچ

خەڵکی شاری کۆیە یاری سەرکەش و تاق و بەناو

تەرز و باریک و بڵند و نەرم و شلک و چوست و گورچ

پێت بڵێم کە گەییە دڵبەرت، میوەی ژیان

چەندە خۆشە چەشنی خرچە، بیکرۆژی خرچەخرچ

بۆ ژیانی من بەهەشتی پانە ماچ بۆ عاشقی ڕیسوایی، دڵدادەیی ئەنوەر کچ