ئەی شاهی منی خەستە لە دونیا و قیامەت
از کتاب:
دیوانی ڕاجی
اثر:
راجی (1912-1969)
2 دقیقه
255 مشاهده
ئەی شاهی منی خەستە لە دونیا و قیامەت
یەکچاوە تەماشا بکە، یەک عیشوە بە قامەت
هەر عیشقی ئەتۆم جێی تەڵەبە و گەوهەری مەرغووب
ساندوومە لە دوژمن بە تەما، باج و غەرامەت
لەم داوی شەوی هیجرەتی تۆ، بێ دەسەڵاتم
خۆت فەرموو، هەتا چارە ئەکەی دەرد و سەقامەت
بۆ وەسڵی جەماڵت، دڵەکەم مانیعی دینە
دەرچوون نییە، لەم مانیعی جەمعە بە سەلامەت
چ بکەم، کە گوڵستانی جەماڵت ئەدرەوشێ
من بەندی تەڵەی ئافەت و جەورم، بە مەلامەت
وێرانە هەموو خانەیی عومرم بە نیازی
سەد وەیل، کە بێ مەیلە لەگەڵ مورغی کەرامەت
لەم قافیلە ئەفکارەیە، ڕاجیتخلص بکە یادم
لەم غوربەتەدا، لێ مەدە تۆ مۆری ئیقامەت