دڵبەر بە جامی دیدە، ئەگەر بێ وەفا نەکا
از کتاب:
دیوانی ڕاجی
اثر:
راجی (1912-1969)
1 دقیقه
223 مشاهده
دڵبەر بە جامی دیدە، ئەگەر بێ وەفا نەکا
مەیلی لە کوشت و بەستنی خەڵکە، سا خوا نەکا
دامێنی وەفای بگرە، ئەگەر مەردی کاری تۆ
تا خۆی لە دەست و داوی هونەرتا جیا نەکا
خاکێ لە دەم سەباوە، کە بێنێ نەسیمەکەت
نابێ کە چاوی عیشق نەڕێژێ و دەوا نەکا
سورمەی لە پێ کشاوە، موژگانی بە ڕۆژ و شەو
چۆن چاوی کارەبایی، سەما پڕ چیا نەکا؟!
هەرچی لە عیشق تۆراوە، ئاخرشەڕیی لە خۆی
دەستی سبەینێکە با لە باخەڵ جەفا نەکا
ڕیسوا و سەرگوزەشتەی پیر و جوانە، ئەو کەسەی
بینایی مەی پەرستی و، باخاتی سەفا نەکا
خوێنێکە ڕژاوە، سا نایەڵێ ئەم خوێنە بدا
چاوی، هەتاکوو قاتیلەکەش بەر بەڵا نەکا
کەوتوومە چۆڵ و بیابانی پڕ عەزابەوە
دەرناچێ لە چقڵ و چاڵ، دڵم گەر هەر ڕا نەکا
ڕاجیتخلص لە پێ کەوتووە، ناگاتە ئامانجی کورد
تا خوێنی ئاڵ و گەشی، بۆ خاکی فیدا نەکا!