داگیرسان و کوژانەوە

ئەو دوو ڕووبارە دڵدارە
هەتا نەگەیشتبوون بە یەک
هەموو ڕۆژێ هەزار شیعریان
بە هەورا ئەنارد بۆ یەکتر.
ئەم دوو باڵدارە دڵدارە
هەتا نەگەیشتبوون بە یەک
هەموو ڕۆژێ هەزار شیعریان
بە «با»دا ئەنارد بۆ یەکتر
کەچی وەختێ بە یەک گەیشتن
تۆ بڕوانە: دووئاوان هەر ناڵەیەتی و
هێلانە هەر زیقەیەتی و
ژووری شیعریشیان ساردوسڕ
«گەر مەم و زین بە یەکتری بگەیشتنایە لەو ساتەوە ئەکوژانەوە!»