در بیان خواب دیدن آمنه آنچە روی داده
از کتاب:
روضة الصفا
اثر:
میرزا عبدالقادر پاوه‌ای (1850-1910)
1 دقیقه
316 مشاهده
یەک شەو ئامینە دانای دیاری
نمەز جە خاو بی یا جە بێداری
یەک شەخسێ جە نۆ وە ئاواز بەرز
وات وە ئامینە شۆخ حووری تەرز
نەشۆ جە یادت نام حەمڵ وێت
ئەو شەو جە خاو دا خۆ من واتم پێت
ئێسمش موحەممەد چوونکە مەحموودەن
حەبیب حەزرەت زات مەوجوودەن
وەزع حەمڵ تۆ نەزدیکەن جەی دەم
زهوور کەرۆ شای موبارەک قەدەم
چەند دوعای غەریب نشان دا بە ئەو
پەی موحافزەت شەیاتین جە شەو
ئامینە پەی پەی تێکرار مەکەردش
واتەی خاو شەو وە ڕۆ ئاوەردش
جەی واقێعاتە هەر فکرش مەوەرد
نەقڵش پەی زەنان قەوم قورەیش کەرد
زەنان واتشان دوو حەڵقەی ئاهەن
بکەر نە گەردەن بە فتوای کاهەن
نەک ئاسیب دێو یا ساحرێ بۆ
ڕەمز ئەجیننە، یا سای پەری بۆ
ئامینە ئەو ڕۆ فەردەن بە فەردەن
چەند حەڵقە ئاهەن کەردش نە گەردەن
دیش دەستێ جە غەیب ئاما ئاشکار
حەڵقەی ئاسن گشت هەوا دا بە وار
واتش لوتف حەق وە چەم بدارە
ئاسن جە لای وێت نگا مەدارە
حەمڵ تۆ مەعبوود نگەدارشەن
جن و شەیاتین بەو چ کارشەن؟