رفتن شیرین به مدائن
از کتاب:
شیرین و خوسرەو
اثر:
خانای قبادی (1704-1778)
2 دقیقه
617 مشاهده
ئاخر کە ڕووی فەڕاش تەقدیر
جە لیلی پەڕەند شەو چون بەحر قیر
کێشا میشکین فەرش بە ڕووی کافووردا
زوڵمەت چون دوودی پەخش کەرد بە نووردا
شیرین هۆرێزا وێنەی شەمع نوور
شی وە پای سەریر بانووی شا دەستوور
واتش ڕۆی فەردا عەزمم شکارەن
مەیلم سەیر و گشت سارا و کۆسارەن
هەرچەند کە تەکلیف «ما لا يتاقعربی»ەن
مزانوو بە تەبع شەریفت شاقەن
بەڵێ چون خۆش ڕەفت سەحرا نەوەردەن
تاسەی سواریی شەبدێز سەد گیان شیرین
جەناب عولیای مەریەم ئاستین
سیمین سیمای ساف، زوڵف و خاڵ شیرین
ئەر زەروورش بۆ فەرمان پەزیرم
بەڵێ شەکەر ڕاز، تووتی تەقریرم
هەرچەند خاترت بە شەودێز وەشەن
نیهایەت شەودێز توند و سەرکەشەن
بگیڕۆش لوجام پەهلەوان بە سەخت
تا سەر نەکێشۆ بە وەخت و بێ وەخت
شیرین ئێد شنەفت شکاوا چون گوڵ
بۆسا پای سەریر بانووی بۆ سونبوڵ
چون جە شۆڵەی شەم ئاڵای زەڕین باڵ
نە سەرکوان سەنگ درەوشا چون لاڵ
ساراو سەرزەمین سەراپا یەکدەست
بە حوکم بێچوون جە مەشریق ڕەنگ بەست
نازک نەوهاڵان زوڵف بۆ عەنبەرین
گشت جەم بین جە پای ئەوڕەنگ شیرین
شیرین وەختێ دیش ئەو شەکەر ڕازان
ئەو نازەنینان، ئەو نازک نازان
بە چەرب و نەرمی شیرین زوبانی
واتش «بسم اللهعربی» یاران جانی
ئارۆ بۆی بۆی هەواش چون بۆی بەهەشتەن
عەزمەم سەیرانەن مەیلم گوڵ گەشتەن
ئێد کە شنەفتن ئەو نەونەمامان
پۆشاشان ئەسباب وێنەی غوڵامان
سوار بین بە ڕەخش و بێ مدارا
ڕوو کەردن شیرین نە سارا
چەندێ کەردشان سەیر سارا و کۆ
ئاخر کە شیرین شۆخ سۆسەن بۆ
پەواز کەرد شیرین شۆخ پۆڵاد سوم
تێزتەر نە خەدەنگ شەهابی ئەنجوم
بەرشی نە دلێ یاران هەم دەرد
دەستوور نەواست، بێ وەفایی کەرد
جەو سەبەب یاران گرد بین پەرێشان
پۆسەشا زانا ئەسپش سەرکێشان
ڕۆستەم ڕکابان موحەننەک سوار
دەست وجڵەو خاس، تۆڕ لاڵ نیگار
هەرچەند کە داشان دەورێ فراوان
بە گەرد شەبدێز هیچکام نەیاوان
تا وەخت غورووب وادەی ئافتاب پەڕ
پەڕانتەر جە نەخش پەڕ داڵ گوڵ زەڕ
جە دەمای شیرین داشان قەترەی دەو
فائیدەش نەکەرد، وەخت نیمەشەو
گشت گێڵانەوە بە شین و زاری
واراشان نە چەم ئەسر مرواری