ئەسیرەن ئیمشەو

از کتاب:

کۆمەڵەی شیعری فەقێ قادری هەمەوەند

اثر:

فقی قادر هموند (1830-1890)

1 دقیقه 229 مشاهده

زبان:

کردی گورانی

قالب:

مثنوی

وزن:

فونت:

ئەسیرەن ئیمشەو .. ئەسیرەن ئیمشەو ..

جەستەم نە هیجران ئەسیرەن ئیمشەو ..

غەم نە تەخت دڵ ئەمیرەن ئیمشەو

شادیم نە شیوەن زنجیرەن ئیمشەو

تەن خەستەی بەستەی غەدیرەن ئیمشەو

عوقدەی نوتقم بەند تەقدیرەن ئیمشەو

مەسکەنم «» ئیمشەو

عوشرەتم جە نار سەعیرەن ئیمشەو

ئیبلیس نە تەلبیس زەمیرەن ئیمشەو

نەفس نە خەتەرەی تەزویرەن ئیمشەو

ئەفکارم نە قەسد تەحریرەن ئیمشەو

ڕۆشنیی حەیات چون قیرەن ئیمشەو

ئەلەم نە جەستەم وەزیرەن ئیمشەو

هەستیم نە مەقام تەسویرەن ئیمشەو

قەوسی پەژاران چون تیرەن ئیمشەو

وە هەر تەرەفدا دڵ گیرەن ئیمشەو

دڵ مەجرووح شەمشیرەن ئیمشەو

مونتەزیر وە لوتف خەبیرەن ئیمشەو

نە ئافاق تاق کەرد سوروورەن ئیمشەو