خاڵۆ چون تەدبیر دەرد زانات نەوی
از کتاب:
دیوانی مەولەوی
اثر:
مولوی (1806-1882)
1 دقیقه
614 مشاهده
خاڵۆ چون تەدبیر دەرد زانات نەوی
هانام کەرد ئەو تۆ تەوانات نەوی
نەتاوات وێت دەی وە مەودای وەیدا
گێجی بدەی نە گێج دەریای بێپەیدا
ها خودام، وە حەق شادەتم ئاوەرد
خاڵۆت گێج مەوج دەریای هەواش کەرد
جە کەنارەوە سەعی کەردەت بۆ
هەوڵ پل و پووش ئاو ئاوەردەت بۆ
پەی چێش خاڵۆکەی دەروون جە هوون کەیل
خەیلێن ئەجزای مەیل لەیلەکەی پڕ مەیل
ئامێتەن وە جزو ڕێزەی مەجنووندا
حەیفەن ئاو بەرۆش وە توونای تووندا