کەس نەدییە سەحەرگەهـ کو چ نازک وەرەسی تو
از کتاب:
دیوانی مەلای جزیری
اثر:
ملای جزیری (1570-1640)
3 دقیقه
586 مشاهده
کەس نەدییە سەحەرگەهـ کو چ نازک وەرەسی تو
مە ژ بەلگێ گول و نێرگزێ سەرمەست بەسی تو
زانم نە تنێ کو یەدێ بەیزا تو ددیری
وەر خوەش کە شەهیدێن خوە کو عیسا نەفەسی تو
رووحی و نە جسمی ژ جەمالێ ب چ ئسمی
ڕەنگ ڕەنگ دبی کەشف و شوهوودێ چ کەسی تو؟
ڕۆژی تو ل شەرقی ب جەمالا خوە و بەرقی
«باللهعربی» نە ژ سەرچەشمەیێ ئەقدەس قەبەسی تو؟!
«باللهعربی» ژ چ نووری و تەجەللا ل چ تووری؟
گەهـ گەهـ ل سەراپەردەیێ جان مولتەمەسی تو
شەمسا فەلەکی؟ یا مەلەکی؟ هێژ نزانم!
حووری و پەری؟ یا ب خوە «روح القدسعربی»ی تو
جانا! جەرەس و ڕەهبەرێ عشقا تە ئەزم قەت
ئاگەهـ ب فەغان و حەرەکاتێ جەرەسی تو!
ما یەک نەفەسەک من دبتن بێ تو ووجوودەک؟
دێ بێ تە چ بم؟ هەم تو ڕوحی هەم نەفەسی تو!
عشقا تە مەگەر زێڕ سفەت زەر دکرین، گۆ:
ئکسیرە ئەڤینا مە ب عەینی و مەسی تو
من گۆ: ژ نگاران تو گولی بەس ب شوکووهـ بە
زانم نە موحب هەر نە کەس و خار و خەسی تو
وەی حوورسرشتێ ل مە خوەش میوە تە بەر کر
جەنناتە د وەسلا تە و ئاتەشپەرەسی تو
من گۆ: د شەڤان شوبهی نوجوومان ب تەوافین
گۆ: عشوە دزانن ب چ قەست و هەوەسی تو
من گۆ: مە ب تیغان ڤەدی ناکن ژ دەرێ تە
گۆ: ئەم ژ نەباتین وە ل تەبعێ مەگەسی تو
من گۆ: ژ کەمەندا سەرێ زولفا تە ڤەڕەستم
پەروازێ لەبێ لەعلێ مە، گۆ: گەر ڤەڕەسی تو!
یەک دەم ڤەنەهشتین تە د هاموونێ فراقێ
بێ هەمدەمێ دەردان کو چ فەریادرەسی تو؟
من گۆ: ژ مە دل شوبهی بخوور خوەش تە بکەر کر
کەر کر! ب دو لەعلێن خوە شەکەر گۆ: عەدەسی تو!
من گۆ: ل روخانین نەکو کەجرەو وەکوو فەرزین
شاهـ گۆتە مە: کش مات! ل بازێ فەرەسی تو
من گۆ: تە دڤێ سەر ژ ڕەقیبی ببڕم ئەز
گۆ: من دییە زانم دبڕی ژێ مەقەسی تو
تا چەند ب خەف بادە بنووشی وە نەفەس دا
ئیجا ب دەف و نەی وەرە میرێ عەسەسی تو
من گۆ: ژ قەدیم ئەم مەیێ عشقا تە دنووشین
گۆ: من ژ عوشاقان نە تنێ مەی پەڕەسی تو
من گۆ: د شەڤان شوبهی شەمالان وە دسوژین
پەروانە سفەت جا هەڕە بێ سەوت و حەسی تو
من گۆ: بەسەر و قوووەتێ سەمعا مە تویی، گۆ:
زانین تە ئەمین ڕووح و موجەررەد قەفەسی تو
من گۆ: دل و جانێ خوە ژ زولفا تە ڕەها کم
خوەش گۆ: چ نەزانی و مەلا گەر برەسی تو
تە ژ زولفێ بوتان سەفحە مەلاتخلص ڕەشترە تالع
یارێ تە سەحەر بێت و برەت پێ نەحەسی تو