قەسەم بە خاڵی هیندووت بە گۆشەی چاوی جادووت
از کتاب:
دیوانی عاجز
اثر:
عاجز (1929-1967)
1 دقیقه
647 مشاهده
قەسەم بە خاڵی هیندووت بە گۆشەی چاوی جادووت
کوشتمی شیری ئەبڕووت خوێن لە دڵم بوو جاری
شۆخێکی حیلەبازی چاوباز و پڕ لە نازی
بۆ دڵ مەحڕەمی ڕازی ڕوومەت گوڵی بەهاری
نەخۆشی بەدمیزاجم بۆ زیاڕەتت موحتاجم
یاران بکەن عیلاجم لە عیشقی تازە یاری
یارێکی نازەنینە سوور حورو مەهـ جەبینە
غونچە گوڵی زەمینە گوڵاوی لێ دەباری
سەرپشکە خۆی لە گوڵشەن چەند بولبولی وەکوو من
لە دەوری دێن و دەچن بۆ ئاوی گوڵ عوزاری
دین و دڵی ڕفاندم جەرگی لەگەڵ پساندم
بە حوببی ڕووی سوتاندم فەوتاندمی بە جاری
عاجز لۆ خۆت جەفادا ژیانی خۆت بە با دا
نەتزانی ساقی سادە دەتخاتە بێ قەراری