بێ سنوور
از کتاب:
کاروانی خەیاڵ
اثر:
هیدی (1927-2016)
1 دقیقه
549 مشاهده
ئاهـ و ناڵەی دەردەداریمە لە سینەم سەر دەکا
ژانە هەڵناکا لەوێدا، ڕوو لە نێو دەفتەر دەکا
دڵ بەڵا وای دەورە داوە خۆی زمانی ناگەڕێ
دێ پەنا بۆ شیعری من دێنێ، خەمی پێ دەردەکا
من لە دەس ئازاری پیری لەو کەلاوە دەچمە دەر
یادی گەنجی دێ لە سەحراش قوڕ بە ماڵم وەردەکا
ماڵی خەم ئاوا کە چاوی لێمە، ئەوڕۆ ئەو نەبێ
کێ لەسەر پەڕتووک و جەستە و بیری من سێبەر دەکا
من دەڵێم وا باشە تەفرەی تۆ سنوورێکی هەبێ
بۆ من ئەو چیرۆکی ئاوی ژین و ئەسکەندەر دەکا
ڕازی هێند لێ ئاشکرا کردم خەیاڵم خستە بەند
ئەو لە گرتووخانەکەشدا هێشتە هاوار هەر دەکا
سەر وەبەر کەس نایەنێ «هێدیتخلص»، بەڵام بۆی هەڵکەوێ
چۆڕێ ئاوی دیدە دێنێ و سەر وەپێی ڕێبەر دەکا