گلەیی
از کتاب:
سروەی بەربەیان
اثر:
قانع (1898-1965)
2 دقیقه
820 مشاهده
بە دڵ گوێ ڕاگرن تۆ خوا، ئەیا ئەهلی سلێمانی
بەیاناتی وڵاتم کەم، لە پاش عەرزی سەناخوانی
لە غوڕڕەی مانگی زیلحەججە، تەمی خەم خێوەتی هەڵدا
بە سەر میر و مەلا و شێخ و بەگ و سۆفیی مەریوانی
شکا شیشە، ڕژا مەی، هەڵفڕی مورغی فەرەحمەندی
بە سەر چوو دەوری ئیسراحەت، لە دەس کارمەندی تارانی
خەجاڵەت بن هەموو، ئیشی نیفاقی بەینی خۆیان بوو
کە قەسری جەننەتەلمەئوا برا عەیشی بە تاڵانی
ئەمە مەقبووڵی قانوونی تەعەسسوب چۆن ئەبێ، ئێمە
زەلیل و ئێوە مەشغووڵی (...)انی کانی ئاسکانی!
وەرن ئەی ئەهلی تەئریخی قەدیمی، بیر لەمەوپێش کەن
نەژادی کوردی چەن دوورە لە ڕشتەی کۆنی ئێرانی!
ئەگەر مردن بێ، با وەک یەک، ئەگەر دەرچوونە وەک یەک بین
مەگەر ئێمە مەسیحین و نەژادی ئێوە عیمرانی!؟
دەوای ئەم دەردە پڕ ئێشە، لە پێشا کۆمەکی عامە
لە لای مەئمووری بیرتیژ و هەموو زانای سلێمانی
لەبۆ نەشری شکاتی میللەت ئیمڕۆ لە عالەمدا
جەنابی «زێوەر»ە بێ شک وەکیلی کوردی ئێرانی
سکووت بێ چاترە قانعتخلص لە ترسی ئەجنەبی، بۆچی؟
هەموو ئیشێ ئەبەسرێتۆ بە ڕەحم و لوتفی یەزدانی