بزان کو من یار تویی
از کتاب:
دیوانا فەقیێ تەیران
اثر:
فقی طیران (1590-1660)
3 دقیقه
1180 مشاهده
١
بزان کو من یار تویی
دل ژێ بریندار تویی
ئەز کوشتم یەکجار تویی
کوبکم کو من چار تویی
بێ دەست و هەم پار تویی
پوڕ ل من کوبار تویی
٢
ئێ ب غەزەب خەندێ ئەزم
د قەیدا بەندێ ئەزم
زنجیر ب زەندێ ئەزم
مشتاقێ رەندێ ئەزم
عاشقێ جندی ئەزم
پەرواز فندێ ئەزم
٣
خوش قەددا ئەعلا تویی
جاما پەیالا تویی
خوش بەژن بالا تویی
دەلال د مالا تویی
بەر بەختێ تالا تویی
نعمەت و ئالا تویی
٤
دائیم دنالێ ئەزم
زار زار دکالێ ئەزم
هارووت د چالێ ئەزم
مارووت د چالێ ئەزم
دوور ژ وسالێ ئەزم
یار د خەیالێ ئەزم
٥
من دی کو دەرمان تویی
ملحەما دەردان تویی
ل باغ وەردان تویی
نوورا ل پەردان تویی
عیسا ل ئەردان تویی
بگرت و بەردان تویی
٦
ل باغی بلبل ئەزم
موقیمێ دل کول ئەزم
ب ئاهـ و غولغول ئەزم
ئێ غەم لێ نازل ئەزم
قالبێ بێ دل ئەزم
سوهتیێ سێفل ئەزم
٧
حورییا رەحمان تویی
میهرا سلێمان تویی
زەمانێ عیسا تویی
من دکی دەرمان تویی
خوش دکی دەردان تویی
ب ئاهـ و کۆڤان تویی
٨
ئێ تو حوبباندی ئەزم
حوببێ کەواندی ئەزم
عشقێ شەواندی ئەزم
شەوقێ رەڤاندی ئەزم
دلێ هەڕشاندی ئەزم
لۆما، لۆماندی ئەزم
٩
دەرمانێ ژاران تویی
هیڤا ل چاردان تویی
سێڤا ل داران تویی
گولا بهاران تویی
تریێ نووباران تویی
خوتبا ل مهداران تویی
١٠
ئێ غەرق د خوینێ ئەزم
کوشتیێ برینێ ئەزم
ئێ دوور ژ ژینێ ئەزم
عاشق ب بینێ ئەزم
وەکی د شینێ ئەزم
غەریق ژ شینێ ئەزم
١١
مەحبوبا پڕ ناز تویی
رندا خوش رمباز تویی
قەوی ل دلخواز تویی
عەرەبا دلباز تویی
گەردەن د سێ گاز تویی
یا ب توق و گولواز تویی
١٢
ئێ مالک وێران ئەزم
هەوجەیێ خێران ئەزم
دینێ د دێران ئەزم
مەحروم ژ سێران ئەزم
سەرمەستێ حێران ئەزم
کوشتی ب کێران ئەزم
١٣
یا قەنج ل دنیا تویی
یا ل بەر کەهنییا تویی
خوتبا ئەنبییا تویی
نوورا رۆهنییا تویی
مەحبوبا دلان تویی
نوورا زمنییا تویی
١٤
عاشقێ نوورێ ئەزم
مووسایێ توورێ ئەزم
وەکی د گۆڕێ ئەزم
کەلا د فوورێ ئەزم
دوور ژ حوزورێ ئەزم
دارێ تەنوورێ ئەزم
١٥
مهرا فەرەنگی تویی
سولتانێ زەنگی تویی
ئێ شاهێ رەنگی تویی
یا ب کەیف و دەنگی تویی
تیرا خەدەنگی تویی
کڤانێ بەنگی تویی
١٦
ئێ کو دکاری ئەزم
قەوی نکاری ئەزم
تەمیمێ داری ئەزم
دیوان فشاری ئەزم
ب ئاهـ و زاری ئەزم
ئێ تیر لێ باری ئەزم
١٧
من ئاهـ و مەدەد تویی
یوسفێ ئەمرەد تویی
مەحبوبا بێ حەد تویی
دڕ و زوبەرجەد تویی
رەیحانا ئەسوەد تویی
من جان و جەسەد تویی
١٨
نەساغێ بێ ژان ئەزم
تازیێ عوریان ئەزم
ئێ ب کول و دەردان ئەزم
مەجروح ژ قەهران ئەزم
ئێ خوڕی شێران ئەزم
فەقیهێ تەیران ئەزم