دڵ گرفتاری غەمانە چاوی جانانی دەوێ
لە کتێبی:
دیوانی کوردی
بەرهەمی:
کوردی (1809-1850)
1 خولەک
660 بینین
دڵ گرفتاری غەمانە چاوی جانانی دەوێ
لەعلی لێوی شەککەرین و گەوهەر ئەفشانی دەوێ
حەپسی چاهی میحنەت و دەرد و غەمی تۆیە مودام
بۆ شفایی دەردی خۆی وا ماچی کوڵمانی دەوێ
زەخمەکەی دڵ کارییە هەرگیز عیلاجی ناکرێ
وا لە گوڵزاری جەماڵت دەستە ڕەیحانی دەوێ
گاهـ بە وەسڵت دڵ فەڕەحناکە لە غەم ئازاد دەبێ
مەستی جامی عوشرەتێکە قەترە بارانی دەوێ
بەسکی سەرگەردانی عیشقە ئیختیاری بۆ نییە
میسلی غونچە و زاغە و سیبی زەنەخدانی دەوێ
غەرقی بەحری حەسرەتە بیماری تیری غەمزەیە
ماچی کوڵمەی ئاڵ و لەعلی لێوی خەندانی دەوێ
هیجریناسناوی ئەدەبی ئەمڕۆ شەوقی دیداری بە سەردا کەوتووە
تەشنەیی دیداری تۆیە ئابی حەیوانی دەوێ