ساقیا نەوبەهارە ڕۆیی دەی
لە کتێبی:
دیوانی شێخ نووری
بەرهەمی:
شێخ نووری شێخ ساڵح (1896-1958)
1 خولەک
758 بینین
ساقیا نەوبەهارە ڕۆیی دەی
فرسەتە و هاتووە لە دەستی نەدەی
نەوبەتی عەیش و نۆشە، دەی سادەی
بێنە گەردووش پیاڵە پڕ کە لە مەی
چونکە بیستوومە من لە ناڵەی نەی
«و من الماء كل شیء حیعەرەبی»
ساقیا بولبولان لەسەر لقی گوڵ
ناڵەیان دێتە گوێم بە سۆز و بە کوڵ
تۆش وەرە هەڵسە بۆ فەراغەتی دڵ
بێنە گەردووش، پیاڵە پڕ کە لە مەی
چونکە بیستوومە من لە ناڵەی مەی
«و من الماء كل شیء حیعەرەبی»
ساقیا ئیمڕۆ جەژنی نەورۆزە
چەژنەیەکی قەدیم و پیرۆزە
چەژنەیەکی موبارەکی هۆزە
وەرە گەردووش پیاڵە پڕ کە لە مەی
چونکە بیستوومە من لە ناڵەی نەی
«و من الماء كل شیء حیعەرەبی»
بووکی مینا بەڕەنگی تاراوە
لەلق و پۆپی سەوسەن ئاڵاوە
مژدە بێ نەوبەهاری هێناوە
تۆش وەرە زوو پیاڵە پڕ کە لە مەی
چونکە بیستوومە من لە ناڵەی نەی
«و من الماء كل شیء حیعەرەبی»