دڵ گرفتارە خودا چ بکەم عیلاجی ناکرێ
لە کتێبی:
دیوانی کوردی
بەرهەمی:
کوردی (1809-1850)
1 خولەک
1434 بینین
دڵ گرفتارە خودا چ بکەم عیلاجی ناکرێ
زۆر زویر و عاجزە غەم دەستی لێ هەڵناگرێ
غەمڕەوێنێکی نییە بێچارە ساتێ بێتە لای
باری دەردی سووک بکا نەیهێڵێ غەم وا دایگرێ
هەوری میحنەت بەرق و بارانێ دەبارێنێ لە تاو
بای جەفای دێ خێوەتی کەیفی دڵم هەڵنادرێ
دڵ بە دەم دەردا دەناڵێ پێی خۆشە ئەم حاڵە زۆر
بەڵکە تەئسیرێ بکا فەڕشی وەفای بۆ ڕاخرێ
ڕۆژ و شەو بەدکاری بێ فەڕ، کاری هەر بەدگۆیییە
وا دەزانێ هەر دەمێنێ ئەم سەگە قەت نامرێ
کوردیناسناوی ئەدەبی دانیشە لە کونجی بێ کەسیدا دەنگ مەکە
بەڵکە پەیدا بێ لە بۆت جوابێ لەلایەن قادرێ