چاو

شیعرم وەکوو زنجیرە شاخ، لووتکە لووتکە
هەتا بەرەوژوور بێتەوە
بەفری ئەوین دایئەپۆشێ و
لەبەر تەماشای گزنگما
سپی سپی ئەچێتەوە.
بەرەو باکوور
شیعرم هەڵمی زامەکانی گەرمەسێری کۆچکردووە
کەژاوەی بووکێنیی هەورە و
مانگی سووری، دوا شەهیدی
سلێمانیشوێن تیا نووستوە.
بەرەو باکوور
شیعرم ئەڕوا
گڕە و ئەڕوا
خەمە و ئەڕوا
تا لەسەر «وانشوێن» لا ئەدا و ئەچەمێتەوە
بە سەر پەنجەرەی نارنجیی بەربەیاندا
دائەبارێ و
لە چاوەکانی «دەرسیمشوێن»دا ئەتوێتەوە.
چاوی شیعرم
چاوی دایکم
چاوی دەرسیم
ئەو جۆگەلە ڕۆشنانەن
سەرچاوەیان وا لەناو دڵی بەفرایە و
بەفریش عەشقێکە ئەبەدی و
نابڕێتەوە!