ئەمن وەک پەرچەمی جانان ئەمن وەک پەرچەمی یارم
لە کتێبی:
دیوانی کوردی
بەرهەمی:
کوردی (1809-1850)
1 خولەک
1485 بینین
ئەمن وەک پەرچەمی جانان، ئەمن وەک پەرچەمی یارم
لە لایێ خاو و سەرگەردان، لە لایێ مەست و بیمارم
دەبا بگریم، بناڵێنم، کە وا تێکچوو سەر و کارم
دڵم دانا لە ڕێی دڵبەر، نە دڵ بۆم بوو، نە دڵدارم
دڵم کەیلە لە میحنەت، وا ڕەوانە خوێن لە زامانم
لە گێژاوی بەڵادا غەرقە سەر هەتا بە دامانم
لە دەستی کەچڕەوی گەردوون لە کوورەی فیرقەتی غەمدا
بە دایم هەر وەکوو قەقنەس حەریقی نار و حیرمانم
وەسییەت بێ مەبن دوودڵ کە نادا مەنفەعەت پێتان
منیش دوو دڵ بووم ئاخر ئێستە بۆیە وا پەشیمانم
خودا تادای بە من وای دا بە جارێ وەسڵی دوو دڵبەر
..............دەقی نائاشکرا فەلەک چۆن کردی تاڵانم
وەکوو کوردیناسناوی ئەدەبی لە دوو جەژن بوو لە ناو حیرەت و دەردا
ئەمیشم چوو ئەویشم چوو بە جارێ ماڵی وێرانم