وێنەیەک

نەک هەر خۆمان
بگرە هەتاکوو سروشتی
ئاوی، شاخی، تا درەختی
ناو نیشتمان
ئێمە چۆنین لەگەڵ یەکا
ئەوانیش وان!ڕووبارەکان
کاتێ بە دەریا و گۆم ئەگەن
تف لە سەرچاوەی خۆ ئەکەن!
درەختەکان
فەرشی سێبەر: بۆ دڕکوداڵ
بۆ چقڵی ناحەز، ڕائەخەنشاخیش: سەری گردەکانی
بنار و یاڵ نزمەکانی
بەردەمی خۆی پڕ خوێن ئەکا.
داسی گردیش: دارستانی
ڕەنجی تەنیشت، دروێن ئەکا.هەور ڕقی لە هەتاوە
هەتاویش: سێبەری بچووک ئەسووتێنێ
ئاویش، لە ئاوا خنکاوە!