ژێرکەوتنی شۆڕشەکەی «ڕەسوڵ ئاغا»ی کۆیە
لە کتێبی:
دیوانی میرزا غەفوور
بەرهەمی:
میرزا غەفوور (1870-1938)
2 خولەک
612 بینین
«بیحەمدیللا» لە سایەی «زابت»ە مەعموورە مەعموورە
«قەزا» یەکسەر بە فەیزی ئەو؛ شەقاوەت خانە خاپوورە
حوکمڕانی «قەزا» ئەمڕۆ جەنابی سەید عەلی و «ئەو» بێ
عەشایر جوملە ئاسایش لە ئاشووب و بەڵا دوورە
لە سایەی سەوقیات و زەبتی ئەحکامی حکومەت هەم
هەمیشە مەئمەنە و ساکن، دەمادەم شاد و مەسروورە
لەبەر کەوڵی سمۆرێ وا لە خزمەت حاکما شادە
ئەدەب ئێستا لە خزمەتیا هەمیشە مەست و مەستوورە
لە ئەسنای فەرزی مەغریبدا، ئیرادەی حاکمی بۆ هات
لە «چوم خڕکەشوێن» بە غارێ هاتەوە؛ لەو فرسەخە دوورە
لە ساعەت هەشتی شەو وارد بوو تەشریفی لەلای حاکم
گوتی: «ساحیب» «بفەرما ئەمر» و شەقیانک ە بە قەستۆرە
ڕەسوڵ ئاغا ئەبێ چی بێ چ ئەهمییەت کوڕ و کاڵی
دەبێ نەیبستبێ من کێم «دەدە»م مەعلووم و مونشوورە
لە «بەحر» و «بەڕ»یە بێ باکم، دەیانبەم بۆ سلێمانی
تەماشای «لوولە چەرمین» کەن، بە جان بێزاری مەغروورە
سلێمانی مەشەڕەف بوو، بە تەشریفی «دەدە»ی عالی
«تعالی اللهعەرەبی» عەجەب هێمەت چ ئەحکام و چ دەستوورە
لە بەگزادەی هەموو عێڵی موڕادی دا مەگەر پەیدا
ببێ وەک «ئەو» سوارێکی، وەها بەم نەوعە غەییوورە
گەهێ تەعقیبی ئاغاوات و بەگزادەی هەمەوەندە
گەهی تەسخیری قەلعەی «لێوژەشوێن» کرد کۆنە تەندورە
هەتا کەی تۆ زوبان بەستم دەکەی ئەی حاکمی عادڵ؟
خودا بەردار نییە قەومێ لە دەس ئەم حیزە مەقهوورە
لەمەولا تەرکی هەر بەحس و بەیانێکی دەکەم چونکە
نەوەک خەڵقی بڵێن: «میرزاناسناوی ئەدەبی» لەبەرچی وایە مەغروورە