لە تاوی ئێش و دووری تەلعەتی یار
لە کتێبی:
دیوانی زاری
بەرهەمی:
زاری (1905-1982)
1 خولەک
312 بینین
لە تاوی ئێش و دووری تەلعەتی یار
چ غەمبارم چ غەمبارم چ غەمبار
لە تەن گیانم کە دەرناچێ لە هیجری
چ بێ عارم چ بێ عارم چ بێ عار
بە بێ دیداری ئەو لەم زیندەگیمە
چ بێزارم چ بێزارم چ بێزار
بە پەیکانی موژەی بێ ڕەحم و خوێنڕێژ
چ زەخمارم چ زەخمارم چ زەخمار
بە ئیستغنای ئەو شۆخە ئەزانن
چ بیمارم چ بیمارم چ بیمار
مەزاقی دڵ ئەڵێ لەم جەورە هەی داد
چ پڕ ژارم چ پڕ ژارم چ پڕ ژار
وتم «زاریناسناوی ئەدەبی» ئەتۆ چۆنی؟ وتی وەی
چ ئەفگارم چ ئەفگارم چ ئەفگار