گیانی شیرینی منی ئەی گیانی شیرینم، خودا
لە کتێبی:
دیوانی زاری
بەرهەمی:
زاری (1905-1982)
1 خولەک
457 بینین
گیانی شیرینی منی ئەی گیانی شیرینم، خودا
بۆ ڕەواجی دینی هەق تەئیید و تەوفیقت بدا
ناتوانم بۆ قەدەمبۆسی هەنگاوێ هەڵگرم
هەر ئەوەندەم وا لە پێدا کۆت و زنجیری بەڵا
وا لە دەشتی میحنەتا سەرلێشێواوم نیمە غەیر
هیممەتی پیرانی نەقشییە ڕەفێق و ڕەهنوما
چاوەڕێم ئەو قودرەتە سەلمانی داخڵ ئال کرد
دەستگیری ئێمە بێ تا بارەگاهی موستەفا
هەر ئەوەندە تێئەکۆشم حەول ئەدەم نیمە ئەمن
چارەیێ بۆ دەردم ئیللا سوحبەتی ئەهلی وەفا
تۆش بفەرموو ئەی خودا «زاریناسناوی ئەدەبی» بە ئاواتی بگا
حازرینیش گشت بڵێن ئامین، ئامین ڕەببەنا