جەماڵی تۆیە ڕووناکی شەمی شەو
لە کتێبی:
دیوانی زاری
بەرهەمی:
زاری (1905-1982)
1 خولەک
534 بینین
جەماڵی تۆیە ڕووناکی شەمی شەو
خودا بێبەش نەکا چاوی ئەمن لەو
شەوێکی بێ بەیانە ڕۆژی دووری
شەوی دیدار وەک ڕۆژێکە بێ شەو
لەخۆ بێزارە چاو ئەی دیدە سا بێ
بنێ پا دەفعەیێ سەر چاوی بێ خەو
خەوت بردم بە نازی نێرگسی کاڵ
میسالی واشە، پاساری، هەڵۆ، کەو
دڵم مەشکێنە با نەڕژێتە سەر خاک
خەزێنەی شەوقی تۆ وەک خوێنی خوسرەوکەس
خەیاڵم هاتە سەیری باغت ئاگای
لە دانەی خاڵ و داوی زوڵفی تۆ نەو
چ شیرینێکە فەرهادی بە حەسرەت
نەکوشت، ئاگا بە ئەی دڵ تۆ نەبی بەو
من ئەم دوڕ پاشییەم ئەو وەختە زانی
لە لوتفت کەوتە سەر ئەم خاکە پەڕتەو
بە غەیری میهری تو «زاریناسناوی ئەدەبی» محاڵە
بسێنی سەقزشوێن و بانەشوێن بە یەک جەو