کیژی هورمز
لە کتێبی:
بەرهەمی خاوێن
بەرهەمی:
عەلی عارف ئاغا (1910-1996)
1 خولەک
534 بینین
وەرە ئەی کیژۆڵەی نازداری هورمز
بەسە سڵ کەی لە من وا چەشنی مامز
دڵ و ڕۆحی منی خستۆتە ناو داو
بە جوانیی چاوی شین و لێوی قرمز
ئەبەخشم من بە تۆ گەر بێت و هەمبێ
سەراپا گەنجی قاروون و قەسری ویڵدز
نزیک بێ گەر لە من زۆر چاکە گیانە
مەچۆ ناو بەزمی مەردانی حەیاسز
بە تاڵانی مەدە گەنجی جوانیت
لە خوا دوورن کەسانی ناکەس و دز