جێم نییە
لە کتێبی:
چەپکێ گوڵ و خونچە
بەرهەمی:
عەلی عارف ئاغا (1910-1996)
1 خولەک
431 بینین
بۆ بەهەشتی شادی ناچم جێم نییە
پردەکەی باریک و تەسکە ڕێم نییە
پاسەوان داوای ئیجازەم لێ ئەکا
ڕێگە نادا تێپەڕم وا پێم نییە
بەختەکەم سەختە چەقیوم وەک نەمام
هیچ خواناسێک کە ئاگای لێم نییە
وا ڕەشە ڕوونووسەکەی لەوحەی ئومێد
کێ ئەزانێ کێم هەیە یا کێم نییە
ئێستە وا چاکە کە من ئاوارە بم
چونکە من ڕووی ژینی شار و دێم نییە