ئێوە کێن
لە کتێبی:
چەپکێ گوڵ و خونچە
بەرهەمی:
عەلی عارف ئاغا (1910-1996)
1 خولەک
489 بینین
ئێوە کێن ئەی ڕووگوڵینە ئێوە کێن
تو خودای عاشق و موحیببەت پیم بڵێن
ئێوە کێن بێباک و مەغروورن کە وا
زۆر بەئازایی بەرەو ئەم شارە دێن
ئێوە کوردن یا مەجووسن یا مەغۆل
پەنجەتان سوور کردووە هەر دەی بە خوێن
تێ پەڕین و هیچ نەتانپرسی لە من
هیچ نەتانفەرموو کە وا چین و لە کوێن
ناز و ڕاز و دەنگ و ڕەنگی ئێوەیە
وا ئەلەرزێنێ دڵی باز و شەهێن
من دڵم چۆن ئەسرەوێ بەم زامەوە
چۆن بدەم بەم ڕۆحە بۆ شادی بەڵێن