سوودی گەڕان
لە کتێبی:
باخچەی کوردستان
بەرهەمی:
قانع (1898-1965)
1 خولەک
431 بینین
هەر کەس وەک سێبەر لە ماڵ دەرنەچوو
فائدەی مانگ و ڕۆژ بۆ ئەو نەبوو
تا نەچیتە بن بەحرێکی بێ پەی
جەواهیر و دوڕ چۆن پەیا ئەکەی؟
هەر کەس تەمەڵ بێ لە ئیش و فەرمان
قەت زێڕ و زیوی نایەتە گیرفان
ئەگەر هونەرمەند نەچێ بۆ سەفەر
بەکاری نایەت جەوهەر و هونەر
باز لەسەر هێلان گەر نەچێ بۆ ڕاو
کەو و کۆتری چۆن بۆ دێتە داو؟
درەخت بجووڵێ لێرە بۆ ئەوێ
تەور و تەوراسی نزیک ناکەوێ
ئاو گەر نەجووڵێ فائیدەی چییە؟
خەلە داشتنی بە ئەبەد نییە
دێ چۆڵ سەد هەزار قانعناسناوی ئەدەبیی فەوتان
شوێنی دیار نییە تا ئاخر زەمان