پیاڵەی مەی کە دەووارە
لە کتێبی:
باخچەی کوردستان
بەرهەمی:
قانع (1898-1965)
1 خولەک
439 بینین
خوا دولبەر کە بێ ڕەحمە لەبەرچی قەهری بسیارە
دڵم وەک تەیری بێ باڵە بەدەس تفڵۆ گرفتارە
خەمی دەورەی وەها داوم نییە ڕێگەی فیرارم قەت
لە هەر سەحرایێ دانیشم خەیاڵم چەشنی دیوارە
ڕەقیب داخی دەروونت بێ کە ناڵەی پڕ لە دەردم بوو
نەخۆشی خستە ڕووی دنیا ئەڵێن چاوانی بیمارە
بە گەرمی لەرزوتێ عالەم ئەسووتێنم بەیەکجاری
لە داخ ئەم بەختە نووستوومە کە بەختی خەلق هوشیارە
لە لێقەومانەوە زانیم کە سەرگەردانی زۆر چاکە
بناغەی مەجلسی بەزمە پیاڵەی مەی کە دەووارە
زوخاوی جەرگ و تاریکی دەروونم ڕەش وەکوو زوڵفن
چ خۆشبەختم لە هەر لا بم ڕەفێق و مونسم یارە!
لەسەر مەشقی برۆی تۆوە وەسا شمشێری ڕاکێشا
لە جەرگی من درا بۆیە لە گوڵی جەوهەری دیارە
خەلایق مات و حەیرانە بە نەفخەی ساعقەی دووریت
وەلێ قانعناسناوی ئەدەبی بە ئاوی لێوی تۆیە زیندوو و هوشیارە