گێرە شێوێن
لە کتێبی:
باخچەی کوردستان
بەرهەمی:
قانع (1898-1965)
1 خولەک
589 بینین
سەر کە خاڵی بێ لە فکری میللەتی قەت سەر نییە
دڵ کە گەرمی تیا نەبێ قەت قابلی دڵبەر نییە
پیاوەتی ئەمڕۆ بە نووکی خامەیە و نوتقی زوان
ئیدعا موحتاجی شێر و ئەسڵەحە و خەنجەر نییە
بۆ عروجی نیشتمان و ئەخزی حوڕییەت سەفەر
کوردە ئەمما کام سەفەر سەیرانی سەر بەبەر نییە
شێر لە خوێنی خۆی گوزەشتی کرد و نەعرەی هەڵبڕی
ڕێوی ئەمری کرد کە نۆبەی نەعرەتەی حەیدەر نییە
گێرە شێوێنێ کە نەیهێشت سوڕی ڕاستی قەت بدەین
خۆی بنەی بێکار و ئیشە، قەت خەتای سەر پەڕ نییە
کەمتیار هەروا لەسەر فکری «قوزی» قیمەت بکا
سەد پڵنگ لەت لەت کرێ ئەو داخڵی دەفتەر نییە
وا چەقەڵ باوی نەما ئێسقانی مرداری بڕا
قانعیناسناوی ئەدەبی بۆچ لە فکری نانی بێ پڕ گەڕ نییە؟