تێ بفکرێ کە سەراسەر هەموو ئیشم هونەرە
لە کتێبی:
باخچەی کوردستان
بەرهەمی:
قانع (1898-1965)
1 خولەک
601 بینین
تێ بفکرێ کە سەراسەر هەموو ئیشم هونەرە
ڕەمز و مەعنایی کەلامم بە حەقیقەت گەوهەرە
هیممەتم عالییە ئەمما چی بکەم کیسە تەهی
بازی تەڕلان و تەوارە کە بەبێ باڵ و پەڕە
خەو لەگەڵ ئەشکی خەما هات و لە چاوم ڕۆیی
نەگەڕاوە بە گومانم لەگەڵی هاوسەفەرە
نیگەهی چاوت ئەگەر جەرگی منی کون کون کرد
تیری موژگانت حەککاک و بۆ عەقیقم جگەرە
لە بیابانی فەنا بۆ سەفەری مڵکی عەدەم
پێ بەسەر سەر بەقەدەم لێدە بڕۆ بێ خەتەرە
سەگمەگەس وار لە دەوری سەگەکەت دێمە تەواف
خاکی ژێر پێی سەگەکەت بۆ مەگەسی دڵ شەکەرە
سینەکەت خاڵیە قانعناسناوی ئەدەبی دڵەکەت شوێنی نییە
لای چ شۆخێکە دڵت بۆچی وەها بێ ئەسەرە؟