یەکێ بۆ وەرع و سیواکە
لە کتێبی:
باخچەی کوردستان
بەرهەمی:
قانع (1898-1965)
1 خولەک
642 بینین
عەجایب شوکری حەق ناکەی لەبەر ئەم نیعمەتە چاکە
وەرە سەیر و تەماشاکە کە چاوت چەندە ڕووناکە
دیانسازێ بەچەن لیرە دیانت بۆ دروست کاتۆ
ئەڵێی ڕەحمەت لە بابی بێ دەس و کاری گەلێ پاکە
ئەگەر کوێر بێ بە سەد لیرە حەکیمێ چاکی ناکاتۆ
بە بەخشش یا بزانە خوا خوایی بێکەس و تاکە
هەموو ئەنعامی پێداوین هەتا شوکری بەجێ بێنین
ئەگەر مەیلت بە قلیانە و ئەگەر مەیلت بە تریاکە
دروستی کردوە دارێ لەبۆ ئەسپابی دنیا و دین
یەکێ نەی بۆ سەفا و بەزم و یەکێ بۆ وەرع و سیواکە
لەلای ئەدنا پیاوی خوا چ نەوشیروان، چ گاوانی
لەلای حەق ئەم هەموو دنیا بەقەد یەک زەڕڕە خاشاکە
کە تۆ وا واعزی قانعناسناوی ئەدەبی لەبۆ خۆت بۆچی بۆ دنیا
دڵت پڕ ئاهـ و ناڵینە، دوو چاوت سوور و نمناکە؟