هەتاوی ژێر هەور
لە کتێبی:
باخچەی کوردستان
بەرهەمی:
قانع (1898-1965)
1 خولەک
557 بینین
ئەمەلی میللەتی کوردانە هەتاوی بە نیقاب
دوڕی ئەسرارە عەزیزم لە مەقاماتە خیتاب
وەکوو ڕۆژ ڕوونە برا تازە چ لازم بە خەتا؟
کچ کە خۆی نەرم و لەتیف بوو چ تەوەقوع بە حیجاب
ئێش کە کەوتە دڵی عام و بە تەواوی چووە مەغز
تازە ئەو ئێشە چ لازم بە بەیانات و کتاب
ئارەزوو وەختێ کە هات کونجی دڵی کرد بە سنوور
خۆ بە خۆ نەشئە ئەدا بێ سەمەرە شوربی شەراب
غەشی تێکەڵ نییە هەرگیز بەسەداقەت وەتەنی
کێ لەبۆ فەوقی کوڕی بابی نەبوو دڵ بە کەباب؟
موشتەری مەرگە کەسێ دوژمنی خاکی وەتەنە
گەر بڵێین بۆچی نەبووی؟ کاکە ئەڵێ جێ لە جواب؟
قانعاناسناوی ئەدەبی شیعرت هەموو نوختە بە نوختە گەوهەرن
مەگەر یەک یەک بە نەزانین بڵێ بەم بەزمە خراب