بەبێ غەم ژیا
لە کتێبی:
ئاشنایی و ڕۆشنایی
بەرهەمی:
عەلی عارف ئاغا (1910-1996)
1 خولەک
246 بینین
ئەوەی لەم چەرخە بەبێ غەم ژیا
بەهرەی دی لە ژین گەرچی کەم ژیا
ئەو مەردە گیانی ئاوێتەی دەردە
کە بۆ دینار و بۆ درهەم ژیا
تروسکەی چرای ژیانی کزە
کەسێ تا ماوە بە ماتەم ژیا
بێ شک مردووە گەرچی زیندوو بێ
ئەوەی بێ بەهرە و بێ بەرهەم ژیا
پەست و بێنەرخ و سووکە مرۆڤێک
وەک جانەوەری چیا و چەم ژیا
بڕوا ناکرێ بە چاکیی کەسێک
لەو دوور کەوتەوە لەگەڵ ئەم ژیا