حەقم نییە بەسەریەوە
لە کتێبی:
ئاشنایی و ڕۆشنایی
بەرهەمی:
عەلی عارف ئاغا (1910-1996)
1 خولەک
324 بینین
ئەو یارە هەر کارێ ئەکا
حەقم نییە بەسەریەوە
مەیڵی چ گوڵزارێ ئەکا
من ئەچمە ژێر سێبەریەوە
***
بە من ئەڵێ کاکە «عەلیناسناوی ئەدەبی»
منت بە ڕاستی خۆش ئەوێ
تۆ پیاوێکی ژیری گەلێ
ئەوەی خراپە ناتەوێ
***
وتم ئەی گیانی شیرینم
ڕۆح و هەست و بیر و هۆشم
لە جوانی تۆدا ئەبینم
کۆیلەم لە قاپیا خۆشم
***
من ئەگەر بێ تۆم خۆش نەوێ
ژینم شتێکی بێ نەرخە
تۆ ڕۆحمی و هەر تۆم ئەوێ
دەسا ڕووی خۆتم بۆ دەرخە