پیشەی مناڵی گرتووە
لە کتێبی:
ئاشنایی و ڕۆشنایی
بەرهەمی:
عەلی عارف ئاغا (1910-1996)
1 خولەک
436 بینین
یاری باڵا بەرزی من پیشەی مناڵی گرتووە
ڕۆحی ئێمەی هەر بە غەمزەی چاوی کاڵی گرتووە
سەیری سینەی مەڕمەڕیم کرد و سەرم سووڕما وتم
سەیرە لام ئەم داری سەروە پرتەقاڵی گرتووە
کوڵمەکانی وەک بلوور مابوون لە ساڵی پێشووا
ئێستە ئەو کوڵمە بلوورە ڕەنگی ئاڵی گرتووە
دڵ لە جوانی ئەو دەم و لێوە خەریکە بۆ فڕین
هەر ئەڵێی پەروانەیە و تازە باڵی گرتووە
دەستی قەت ناگاتە دەستی نازکی یاری جوان
بێگومان ئەو عەشقەی ڕێگەی خەیاڵی گرتووە
«شاریناسناوی ئەدەبی» زۆر شاران گەڕاوە شارەزای دنیا بووە
گەرچی لەم چەرخە ژیانی تامی تاڵی گرتووە